Դուք համտեսել եք Հին ու Նոր աշխարհների գինիները, այժմ ողջունե՛ք Հնագույն աշխարհի գինիներին:

Հայաստանը գինեգործության հնագույն բնօրրանն է. ունի շուրջ 6000 տարվա պատմություն: Դրա մասին է վկայում Հայաստանի հարավում՝ Վայոց ձորի Արենի գյուղի տարածքում գտնվող աշխարհի հնագույն գինեգործական հնձանը, որը հայտնաբերվել է «Թռչունների քարանձավում» կատարված պեղումների ընթացքում:

Պատմական տերուար

Վերջին 6000 տարիների ընթացքում Հայաստանն անցել է բազմաթիվ փոփոխությունների միջով: Միակ բանը, որ անփոփոխ է մնացել՝ հայերի կիրքն է գինու հանդեպ և այն պատրաստելու արվեստը: Հայկական գինին Հին ու Նոր աշխարհների գինուց տարբերվում է իր մի քանի առանձնահատկություններով: Դրանցից հատկանշականը՝ ֆրանսիական խաղողներից էլ հին արմատներ ունեցող մեր էնդեմիկ տեսակներն են, որոնցից առաջացել են սքանչելի և եզակի նոր խաողողատեսակներ՝ վկայակոչելով Հայաստանը որպես իրենց հայրենիք:

Գինի «ՏՈՒՇՊԱ»

Տուշպայի տերուարը բնականորեն օժտված է իդեալական հողով և կլիմայական պայմաններով: Արարատյան հարթավայրում աճում են խաղողի տեսակներ, որոնք մեր գինեգործին թույլ են տալիս արտադրելու եզակի գինիներ։ Գինիների պատրաստման ընթացքում մարդու միջամտությունը հասցված է նվազագույնի՝ ապահովելով խաղողի համի իրական արտահայտությունը:

Ոգեշնչող նորարություն՝ հնագույն գեղեցկության հպումով

«Տուշպա»-ի խորհրդանիշը ստեղծել է միջազգային ճանաչում ունեցող տաղանդավոր հայ նկարիչ լուսահոգի Կամո Նիգարյանը, որի հետ 15 տարի առաջ պատիվ ենք ունեցել աշխատելու:

«Տուշպա»-ի խորհրդանիշը անտիկ ոճ ունի, այն գինեգործության ընթացքը նախապատրաստող կնոջ կերպարն է:

Գինու արվեստը

Մենք հավատում ենք, որ արվեստն ու գինին կատարյալ համադրություն են: Մենք հավատում ենք նոր սերնդի ոգեշնչմանը և ամենուր խրախուսում ենք հայ երիտասարդների ստեղծագործ միտքը: Մենք աջակցում ենք տեղի ստեղծագործողներին, սատարում միջոցառումներն ու Tech և Startup համայնքներին՝ հանդես գալով #TUSHPAInspires ակցիաներով։

Հիասքանչ Արարատյան հարթավայր

Մեր գինեգործարանը տեղակայված է բիբլիական Արարատ լեռան ստորոտում՝ Տափերական գյուղում, Երևանից 35 կմ հեռու:

Մեր 6 հա խաղողի այգիները տնկված են մոտ 800մ ծովի մակարդակից բարձր: Հողը կավի հիմքով է, մասամբ բաղկացած է նստվածքային ժայռերից: Մեր գինեգործների համար հիմնարար խնդիր է՝ ուղղորդել տերուարի դրական ներգործությունը վերջնական արտադրանքի վրա: Միայն այս եզակի որակների պահպանմամբ մեր գինիները կլինեն հաստատուն և պաշտպանված։

Արի՛ և փորձի՛ր «Տուշպան»

Միացի՛ր մեզ՝ բացահայտելու դարերով սրբագործված հայկական գինեգործության ավանդույթները: Տուշպան ջերմ և ընկերական մթնոլորտում ողջունում է իր բոլոր հյուրերին: Այստեղ դուք անմիջականորեն կծանոթանաք հայկական գինու մշակույթին և կիմանաք հայկական պատմական գինեգործության ավանդույթների մասին: Տուշպան առաջարկում է նաև ժամանցի հետևյալ տարբերակները.

Գինու համտես

Ա՛ռ բաժակդ և մի կո՛ւմ արա «Տուշպա»-ից: Մանասերյանների ընտանիքի անդամներից մեկը ձեզ կառաջնորդի գինիների աշխարհ՝ կազմակերպելով «Տուշպա»-ի երեք տեսակի գինիների համտես՝ դրանք համադրելով հայկական համեղ լավաշի և պանրի հետ՝ Հայաստանի իրական համն ու հոտը ճաշակելու համար: Մենք բաց ենք ամեն օր 10.00-18.00, այցերը նախնական գրանցումով:

Գինու համտես և ընթրիք

Այցելեք մեզ՝ ջերմ ընկերական մթնոլորտում համտեսելու բարձրորակ «Տուշպան» և ճաշակելու տնական կերակուր: Դուք կըմբոշխնեք թարմ և տեղական մթերքներից պատրաստված հայկական խոհանոցի համադամ ուտեստները՝ երեք տեսակի բնական «Տուշպա» գինու համադրությամբ: Այս ամենը հնարավոր է իրականացնել 10.00-18.00-ին՝ նախապես գրանցվելով:

Ձեր միջոցառումը մեզ մոտ

Նշե՛ք ձեր հատուկ իրադարձությունները, թիմային միջոցառումները «Տուշպա» գինիների մառանում:

Մենք առաջարկում ենք Արարատյան հարթավայրի թարմ բարիքներից պատրաստված ուտեստներ՝ հատուկ ձեզ և ձեր հյուրերի համար՝ մատուցելով դրանք բնական «Տուշպա» գինիների տեսականիով:

Եթե հետաքրքրված եք, նախապես կապ հաստատեք մեզ հետ:

«Տուշպա» Թիմը

«Տուշպա» գինեգործարանը հիմնել է գինեգործ Միհրան Մանասերյանը 1992 թվականին։ Հայ գինեգործության ավանդույթները պահպանող ընտանեկան գործարանը կոչել ենք պատմական Տուշպա-Վան տարածքի անունով, որտեղից սերում են մեր նախնիները։ Մեր այգիներն ու գործարանը տեղակայված են Երևանից 35 կմ դեպի հարավ-արևմուտք՝ Արարատյան դաշտի սրտում, ուր հեռվում վեր է խոյանում բիբլիական Արարատը։

ԽՍՀՄ-ի փլուզումից հետո Միհրանը ձեռք բերեց հողատարածք և 1992-ին հիմքից կառուցեց «Տուշպա»-ի գինեգործարանը: Երկրում բարդ իրավիճակ էր բոլորի համար, բայց Միհրանը հավատաց «Տուշպա»-ին և հաջողության հասավ:

Արարատյան դաշտի տերուար, հայկական խաղողներ և եռանդուն գինեգործություն